طفل متوحد

كم تحس إن الوجع هذا [ لقيط ] !
ـــ جاء يدور صدر مؤمن يسكنه
تنفثه يرجع وينده لك [ عبيط ]
ـــ وإنت طيّب .. لاندهلك تحضنه
.
.
أغرب الأشياء
قلبك !
وأطهر الأشياء
روحك !
وأنبل الأشياء
صدرك
وأعظم الأشياء
عينك !
تمرّ الناس
وإشفاهك
حزينه بسّ
مبتسمه !
تشوف الناس
في عينك
قلوب أطفال
مجتمعه !
لأنك بداخلك
طفل ٍ
يشوف الناس
مُحترمه !
.
.
وآخر شيئ !
ـــــ تتفاجا !
باإنك ....
ياأخي تايه !
لأن إما البشر ماتوا !
ـــ أو إنك كائن ٍ آخر !
.
.
وتنفث من يدك
فكره !
وتمشي بين خلق الله !
هنا يركل حجر
رجلك !
وتركل همّك
وتمشي !
إلين آخر فضا منّك !
تشوف إن البشر
زحمممممه
وإنت التايه ـ الأغرب
وحيد بصحبة أوجاعك
وتمطر عينك
الرحمه !
مضلّة رمشك تكّفي !
تشبّتها
وروح إنسى !
تلحّف خدك الطيّب !
وضمّ إيدينك
لـ فمك!
ولاتحكي ــ لمن تحكي ؟
كفايه تركل أوجاعك !
ودور زهرة ٍحمرا !
وصافحها ... وروح إنسى !
.
.
أنا ماقلت هـذا النص !
ــ طفل [ متوّحد ] يقوله