المطر دمعه خجول !

صدقيّني
لو أقول !
المطر دمعه خجول !
صدقيني
لو أقول :
العتب شيخ ٍ عذول !
صدقيني !
صدقيّني !
كنت أرّف الريح يمّي !
كنت أشوفك بين كمّي !
كنت انا وإيديك ... نلعب !
بين همس
وبين شمس !
لين قلتي لي :
نسيتك !
صرت أحس الغيم بارد !
صرت أحس الشوق
ساهد !
صرت أحس البحر
راكد !
صرت أحس إني .... فقدتك !
والخطى بينك
وبيني !
تبعد بمليون ميل !
رغم إن إيديك ... بِيدي !
ترتجف من جمر
شوقي !
رغم إن الوقت .... بدري !
بس أحسّ إنه ثقيل !
ويش أسوي !
يالهدب !
غمضّت عيني !
ومشيت !
وهذا آخر ماذكرتك !
إن ماكِني
عرفتك !
خانت اللحظه ... يدي !
مثل ماقلتي !
نسيتك !
ماأذكر إني قلت شي !
وأذكر إني
بس مشيت !
داخلي ... طفلٍ بكى !
وأنزوى خلف
العيون !
يالحبيبه السابقه !
مابقى عندي
حكي !
صدقيّني .. موبيّدي !
لازم أنسى !
كيف أبنسى ؟
أي درب ِ مايجيبك !
إعرفي إني سلكته !
والقهر
وأكبر قهر !
إنك بكل الطرق !
غيمه وريح وشفق !
علميني وش أسوي ؟
داخلي ذيب ٍ ويعوي !
لا قرب مِنك ... غدر بك !
ولا بتعد عنك
قهر !

جِدّه !

ينبت بصدرك
حمام !
يزهر بـــخدك
غصن !
يثمر البحر
الغمام
تثمر الغيمه
... مطر !
فيك طيش
العابرين !
فيك
عقل الثايرين !
في زواياك الفرح
يحمل بكفّه
قزح !
في جبينك
أم وقتك !
شمسك
وبردك
... وعطرك !
فيك
ياحلو الكلام !
ينولد
بين الزحام !
ينشد البحر
ويرده !
مين أنتي ؟
غير جِده !

عــــــاده !

أحس إن الحكي
عاده !
غريبه .... شِبه معتاده !
*
*
أحس إن الفضا
طيرٍ
يدوّر حبسة
أعياده !
*
*
أحس إن القمر
كوكب !
بريئ ويحمل وساده !
*
*
أحس إن السما
إنثى
تضّم بكّفها
أسمى !

يارب !

يارب
هذا الطريق
أصعب
من صمت طفل الحكي
والناس !
يارب
هذا الطريق
أعتم !
أحتاج لي صبح
من غفران
يارب
ليل الشعر
مظلم !
أحتاج في مرسمي
قنديل !

رسائل تحت الماء !

من هاتفي :
.
.
.

أحس طعم الجفا
غافي !
بيدين صحرا
تمِد الناس !
مّد الوصل
هالجفا حافي !
بعض الحكايا
تجيب نعاس !
[ سعيد موسى ]
.
.
الرد :

من كثر مايقصر
إلحافي !
عن رجلي
أقول لي : لاباس !
ظروفي أطول
من أطرافي !
يتسابق البُعد
والأنفاس !
[ ماجد عبدربه ]

كنت أشوفك مسندي !

كنت أنا ويّاك
واحد !
وإفترق دربي
ودربك !
أذكر إن أحبابي
واجد !
وإذكرك بالذات
وحدك !
نقسم اللقمه ... نصيفه !
كم نجوع ...
ولاحكينا !
كنت أشوفك مسندي !
لين رحت !
وطاح نصفي !
آخ ... ياخي !
آخ ..... آخ !
خابرك والله
شهم !
خابرك مثل الذهب !
لين شفتك ...
بعد غيبه !
ترفع إبهامك وترمق !
طحت ياخي !
طحت ... طحت !
صرت أحس إنك
كذب !

لحظة إشراق !

شفتك بعين الشمس
في لحظة إشراق !
متفائلة ويدينك تمد لي
صبح !
ياأجمل كثير من البحر ...
وأجمل من ضنون البشر !
مرّي
على خد السما
قولي متى ؟
متى ؟ متى ؟ 

ماوحشتك ؟

مانشدك الغيم عني ؟
ماوحشك الديم
فيني ؟
ماسأل قلبك بحاري
إنت وينك ؟
ليش غايب ؟
آه منك ... قولي حاجه !
قولي طيب
ماوحشتك ؟

بين بينك !

مابين بينك إلى بيني 
ــ نذكر براءة طفولتنا ! 
كنتي تضميّن يّديني 
ــ والناس تؤد سعادتنا ! 
*
ـــ
*
أذكر من الريف أنفاسك ! 
ــ واذكر من الشوق مرسالي ! 
أذكر بعد طهر كرّاسك ! 
ــ منحوت به رسمة إظلالي ! 
*
ـــ
*
شوفي كبرنا ... وجاك عيال ! 
ـــ والأمس عيّا يفارقني ! 
ياشينها ... طيحة الفنجال ! 
ـــ لاصرت مكرم لضيفاني !

الذكرى !

وتمرّر الذكرى !
لحن !
وآسامر الغيمه
حزن !
في صوتها ...
هيبة وطن !
في طيفها !
كذبة أُمم !
وتمرر الذكرى / لحن !
وأعزف بها !
منها / لها !
وأتخيل الغيم بْيدي !
يطري بها !
يهذي بها !
تتشكلّه !
تتهنّدمه !
في طيفها
في عينها !
ترقص على ضلع القمر !
طيف
يتمّرد عالوتر !
.
سبّابتي !
غصن الغضى !
أو طيفها
عزفة : لِما ؟ !
*
*
وأرفع يدي !
وأستذرفك !
مابين أحبّك !
وألعنك !
أزريت أدوّر لك !
عذر !
وأزريت أمدك !
للصبر ! 

الوجيه !

الوجيه
اللي تنادي للغياب !
علمّت صدري
دهاليز الضباب !
.
,
يَاكثر
ماقلت لك !
أكتب إحساسي
مَلِك !
في حضرته
مابه أحد
في كلمته
ينهض بلد !
.
.
الوجيه
اللي رمتني للغياب !
من يقول إن الصقر
مثل الذباب ؟ !

ياليت لك غيمه !

ياليت لك
غيمه وجنحان
من ضيّ !
لجل
أسرق بروق العتب
وأمطر أيدّي !
.
.
الأرض صحراء
والضما .. ينبع الفيّ
أحتاج لك
مثل بدوي
يطرد الميّ
عطشان في صحراء
بها الحي
لا حيّ
.

ثرثار صمتي !

ثرثار صمتي
وبه أوتار !
.
.
ينطق من إيديني
ويصدح !
.
.
ياصاحبي والحكي مقدار !
إكرم يديني
ولاتجرح !
.
.
البارح الصوت ناداني !
والصبح غافي
على إبهامي !
رديت له : ربكة ألحاني !
قال : المطر يامطر
ضامي !

يمّر الليل في عينك !

يمرّ الليل في عينك
مثل طفل ٍ
رمى ثوبه !
ـــ غفى
في آخر المجلس
وهو
متوسّد كتابه !
صحّى وأمه
تبوس إيده !
وهو في حضنها
نايم !
.

بنت الناس مستوره !

أحب من النسا !
أمي !
وأنثى راحت لغيري !
مثل ماأحب عفتها !
طهارتها !
وحشمتها !
أحب إن مرّ طاريها !
أقول الله يسترها !
وإحب إن سولفوا فيها ...
أتمتم بيني وبيني !
وأقول / الله يكرمها !
.
.
أحس إن الحكي عنها
يجيب العيبه
لمثلي !
وبنت الناس مستوره !
على ذمة
رجل آخر !
وربي أحسده
... لكن !
عساه يقدّر
النعمه !
وأنا لو مرّ طاريها ...
أفضّل
أترك المجلس !
لجل ماتسقط الدمعه !
وتصبح شيمتي
قِصّه !

كانت الساعه : عشر !

كانت الساعه : عشر
قالت : الموعد متى ! ؟
قلت : لا فاض
النهر
وإنسدل ليل
العنا !
قالت : الموعد متى !
مانشدتك بالشِعر !
إبتسمت وقلت : أمس !
والفجر
... بيديه شمس !
قالت : الموعد متى ؟
إرحم أشواقي
كفى !
قلت : ياريم النســا !
الوعد طار
وغدا !
*
*
إسكتت لحظه !
بكت !
قالت : إحساسي صدق !
كان لغز !
وفيه رمز !
كيف أبلقى بعض راحه !
وإنت ياقاسي .. نسيت !
.
ثارت أصوات القمر !
قلت : ياريم النسا
ماذخرتك للرصيـــف !
أعشق الورد
العفيف !
ردت بدمعه وقالت !
كل أبوكم
تكذبون !
*
*
مشكلتها إن يدها
ترفض إبهامي
وعطري !
.
.
أغلقت صوت
الندا ...
ثم قالت
: وإسرفت !
إنت ما كنّك بشر !
إنت ياهذا : حجر !
*
*
قلت في نفسي
قست !
وإستحيت إني أرد !
مافهمت مني سوا

ملبس الثوب الشفيف !
والله إني شخص آخر !
ملبسه ثوب ٍ نظيف !
ماأفتخر باأردى صفاته !
وإفتخر
إنه شريف !

في عينها !

في عينها
... شمس تتأسف !
خجلانة النور
والطلّه !
في عينها ..
طفل متشيطن !
متربي ٍ عالدلع
والطيش !
في عينها آه فرحانه !
معزوفة النطق
مجزوءه !
في عينها فارس وحارس !
وأربع أميرات
من لولو !
في عينها .. قلعه وتلعه !
وأربع بحيرات
في لوحه !
في عينها ... طفلة ٍ تلعب !
وتقول :
ياغيم لاعبني ؟ !
في عينها كل مالا قيل !
أو قيل داخل سطر
مائي !
في عينها مملكه من ناس !
والفين حاجب
وكم وسواس !
*
*
سبحان ربي
إله الكون !
هالبنت في عينها
قانون !
ماتعزفه
تربك إحساسك !
يعني إذا جيت توصفها ...
قِل [ نون ]
ملئى كثير عيون !

عَلَم ْ !

أحمِل بإيدي علم !
بسّ محتاج لوطن !
*
*
يازمن
وين الزمن ! ؟
ياورق
ليش الغرق ؟
مغترب شطري
وسطري !
مندمي حبري
وعذري !
*
*
أحمل بإيدي علم !
بغرسه
عطني قلم !
*
*
عطني الزيتون والما !
ماأبي هالعمر
يضمى !
*
*
ياوطن ماسك علم !
إنت وينك ؟
ماأشوفك !
ياوطن
والله أحبّك !
أقسم بربي
وربّك !
شوفني أحمل علَم
طاح
من أعلى القمم !
قلت أشيله !
إيه أشيله !
وأحمله لأعلى جبيني !
مادريت إن الوطن !
طفل ٍ
أضناه الصبر !
طفله
تعاشر فقر !
شاب يبحث عن وظيفه !
أو
فتاة ٍ عانسه !
أو
وظيفه يائسه !
أو
عجوز ٍ عالرصيف !
تندب أوراق
الخريف !
.
ياوطن
.. وينك تعال !
قوم إصحى !
حسّ وأغفى !
هالبشر تنطر يدك !
تنطر أحضانك
وضمّك !
وإنت نايم فالعسل !
ياوطن عندي طلب :
ممكن أحضانك : دقيقه ؟
ياني أحتاج لصدر !
ممتلي حب
وطهر !
بعدها بوعد طموحي !
أغرسك
في صدر حبره !

حرفي بوجهه لثام !

كل ماعندي كتبته
مابقى غير
الشِعر !
مـ أسهله
نطق الكلام !
مـ اصعبه
صوت المطر !
أحمل بكفّي
غمام !
يرتعد منه الحمام !
يبرق النور
وظلام !
صعب ترقى أسفله !
حرفي بوجهه
لثـــام !
ينتخي في كلمته !

مجنون هذا المسا !

مجنون هذا المِسا
قلبك !
يغازلك بينه
وبينه !
.
.
يتوسدّ الناي
في حبّك !
يطلق حمامه
من إيدينه !

حكايا الحزن !

في حكاياك الحزن !
شيخ يحكي له
وطن !
في حكاياك الحزن !
أُم ٍ أضناها
الزمن !
ياعسى
صدرك بخير !
قم تعوّذ وأستخير !
ربي وربك
كبيـــر !
أدري أضناك التعب !
وأدري أمطرت الهدب !
ياعزيز إلا البكى !
ماهو بـ لك !
ماهو لنا !
يكفي لصبرك :
ثمر !
مؤمن وربّه بلاه !
قام ودموعه حّدر !
وإقترب من زمزمه !
ثم توجّه قبلته !
كبّر وصلّى
وأوتر !
ردد بضعفه
وكبّر !
ثم رتّل ماتيسّر !
ثم ركع لله
.. نادم !
ثم وقف يحمد
ويشكر !
ثم سجد لله ... وحده !
ممتلي قلبه دُعا !
سلّم ويرفع يدينه ..
يشكر الله العظيم .
.
.

إمسك الريشه معي !

ممتلي صدري حكي
كنّه الواقع !
رسِم !
إمسك الريشه معي !
وإرسم الطفل
الشقي .
وإرسم القلب
التقّي ..
وإرسم الروح البريئه !
وأتخيّل الواقع
رسم !
ثم أرسمه .. وإبحر معي !
ياصاحبي صدري
فضا ...
به قمري وصقرٍ على !
به نورس وشط ٍ وما
به ناس مليانه حزن !
وأطفال يجرون بفرح !
به أسئله .
به أجوبه !
فيه الكثير من الفخر !
والذمّ وصدوع الشجر
تحيط باأركانه
سما !
وغيوم وبروق
وضما !
أقرب تعال أرسم معي
مليانه الريشه
حكي !

يدك بردانه !

تضم إيدينها
... يدّي !
وقالت:
يّدك بردانه !
أجل ماأشتقت لي .. مرّه !
ضحكت وقلت :
بردانه ؟
طفى هالجمر باللمســه !
ياقمرا
وإنتي الأجمل !
تشوفين السما ؟
قالت :
أشوفك تشبه عيونك !
يشاغبني صخب
هالبنت
ودايم أسكت وأضحك !

قهوتي !

قهوتي
ياحلوتي !
تسرقك من رشفتي !
تشبهك
في كل شيّ
إلا
في طعم المراره !
تشبهك فيها
بحاله !
لاهمستي
لازم أمشي !
وين ؟
بدري !
تونا
والصبح غافي !
سولفي
فيني حكي !
ودي آقوله
بصمتي !
حلوتي
باقي يدينا !
توها تحكي
السلام !
هزّي إيديني
وحسّي !
وش كثر
حلو الغمام !