السبت، 26 نوفمبر 2011

دايم الجمهور [ أعمى ] !

كوني إنت ِ ... 
قبل ماكانك وكنتي ! 
كوني إنت ِ 
فالمرايا .... فالزوايا ! 
في وجوه العابرين ! 
في جفاف الحاجبين ! 
كوني إنت ِ 
في غيابك ! 
فـ إبتسامة طفل
عابر ! 
في حكايا طير
عابر ! 
في تفاصيل
الزهر .... 
في بدايات
الفجر ! 
كوني أجمل
من كذب ! 
كوني أسوء
من عتب ! 
كوني الــ لاء 
ونعم ! 
كوني الواقع ! 
وهم ! 
لاتكوني ....
بسّ فكره ! 
كوني الفكره لبكره ! 
.
.
باإختصار 
وماأريده 
لا تكونين 
القصيده 
.
.
دايم الجمهور أعمى ! 
ـ يحفظ الأبيات
لكن ! 
ماعرف 
من هو 
كتبـــــــها !

الطفل والمسؤول و40 حرامي !

كئيّبه جداً 
البسمه ! 
كئيبّه ياخي الراحه ! 
إحس إن الزمن 
ساخر ! 
وينجب فقره العاقر ! 
أنا أسمع في مدارسنا ! 
طموحك يابطل 
وشهو ؟ 
وأقول بتعتعه : ضابط ! 
ونفس السخريه تُسأل 
لـ طفل ٍ ساذج ٍ 
آخر ! 
[ طموحك يابطل وشهو ] ؟ 
ويحلم إنه [ مهندس ] ! 
كبرنا يامدارسنا ! 
كبرنا يامبادئنا ! 
وأصبح حلمنا [ عاقر ] ! 
ومرتّد 
وبعد كافر ! 
وكان الحكم [ تعزيراً ] 
ملف أخضر 
ورق أسود ! 
وصوره أنجبت شاعر ! 
يناظرها وهو يسأل 
[ طموحك ياوطن وشهو ] ؟ 
يجاوبه الصدى : باكر ! 
يمر باكر وهو ينشد ! 
[ طموحك ياوطن وشهو ] ؟ 
يجاوبه الصدى باكر ! 
وباكر مرّ 
من عمره ! 
وهو للحين ماجاوب ! 
بعد خمسة سنين وشهر ! 
وهو يتأمل الصوره ! 
يطيح الدمع من عينه 
وجاوبه الصدى
[ شاطر ] !

لوحة ٌ مّا , ورُبمّا صوره!

مابين رسمِك 
إلى رمشِك ! 
ألوان
ماهي بزيتيّه ! 
تشكيّل 
من غيمتين وما ! 
مستخلص الريف 
وامطاره ! 
ـــ من أسفل الخدّ 
للحاجب ! 
يتوزع اللون
[ للطيفي ] ! 
من أول الثغر
للآخر 
يتمايل اللون
[ للجمري ] !
أول جبينك
ومايحوي ! 
يتحوّل اللون 
[ للغيمي ] ! 
.
.
الرسم ياحلوتي 
مبدا !
سبحان من صوّرِك 
أنثى !

مشهد [ عربي ] مُتكرر !



طاوله ... وأربع كراسي ! 
بيرتين ــ ونادله ! 
.
.
صاله عتيقه 
ــ أدخنه ! 
وناس جداً 
[ فاقده ] ! 
الأول : أحتاج لعقل ! 
الثاني : أحتاج لحبل 
الثالث : يتمتم : [ خبِل ] ! 
الرابع : بحالة [ ثمل ] ! 
.
.
النادلة / تترك الجلسه 
تستأذن بـ [ حشمه ] ! 
.
.
الاول : يناقش / 
هالنادله حيل مسكينه ! 
وش قد هي تتعب ! 
هذا البلد أعمى ! 
الثاني : بضحكه 
بس حيل مزيونه ! 
هذا البلد واعي ! 
الثالث : يتمتم ! 
هذا الفضا فارغ ! 
الرابع : الأذكى ! 
الكاس ذا بيِدي !
من حقق الدوري ؟ !
.
.
في الجانب الآخر في آخر المقهى ! 
شاشة تضّخ أخبار ! 
[ الجيش الصهيوني يقصف أرض القدس ] 
تذكر مصادرنا 
نسبة ضحاياهم 
اربع شباب وطفل 
وسبعة عشر جرحى !
.
.
الساعه الــ بكره ! 
يتكرر المشهد ! 
طاوله ... وأربع كراسي ! 
بيرتين ــ ونادله ! 
.
.
شاشة تضّخ أخبار ! 
[ الجيش الصهيوني يقصف أرض القدس ] 
تذكر مصادرنا 
نسبة ضحاياهم 
اربع شباب وطفل 
وسبعة عشر جرحى !

إنت ِ !



مامرّوا الناس في عيني !
ــــــــ إلا وكل الوجوه [ إنتي ]
صحيح كنت أفرد إيديني !
ـــــــ كنّي أغطيّك لانمتـي !
أتخيلك
مثلـــــي الواعي !
حرف ٍ نبت
وأرضه ذراعي !
كان وتكوّن
من أضلاعي
وأثمر من الشعر
أوجاعي !

سلطان " 17 مليون !


اليوم ذا
ماهو بــعادي !
ـــ حزينه الأرض
وبلادي !
اليوم ذا
يوقف التاريخ
ـــ اليوم ذا
جّداً كئيب !
يوم أعلنوا / فقدنا سلطان !
.
.
سلطان وينه ؟
وقالوا : مات !
سلطان مامات ياأمّه !
سلطان عايش بــ داخلنا !
.
.

اليوم ذا ماهو بعادي !
ـــ اليوم دمعة أبو متعب !
ياوالد الشعب لاتبكي !
ياأطهر الناس لاتبكي !
كل إبن في هالوطن
إبنك !
سلطان
سبعة عشر مليون !
المملكـه
كلّها سلطان !
.

تراجع عن : أكمل باقي هذا الشِعر !

أرجع وأقول 
إني أحبّك
ياوطن ! 
من رأسي لـ آخر يدي ! 
ياأجمل وأعذب وطن ! 
ياأطهر وأنقى وطن ! 
ياراحتي 
ياسلوتي 
يافخري وفخر الشعوب ! 
ياتاج في رأس العرب ! 
لكني أعتب ياوطن 
إبن ويعاتبك بحزن 
إبن ويعاتبك باأدب 
من طيبك إن تسمعه ! 
وإن شاغبك لا تمنعه ! 
.
.
ورب البيت والزمزم 
ورب الـمشعر الأعظم 
إنه إذا حان الوغى ! 
وأحتجتني وقت العدا 
لآفز لك / فزّ بّدوي ! 
لافيه شخص ٍ ينتخي ! 
قام ورمى له غترته ! 
ثم أنتخى من عزّتــه ! 
حتى أستمالت خيــمته ! 
ياموطني : يادنيتي ! 
ياشيمتي : وكرامتي ! 
مليون أحبك ياوطن ! 
لكنّي أحتاج لـ يدي ! 
عطني يدي ! 
وشهو بقي ؟ 
.
.
أرجع وأقول : 
إني أحبك ياوطن ! 
من رأسي لــ 
لـ كِل جْسدِي !

أكمل باقي هذا الشِعر !

صافح حزنك !
ــ واصفع خوفك !
أصفع وقتك !
ــ حلوه الدنيا !
حلوه بلادك !
ــ تشبه أمّك !
تكّرم أمّك !
أمّك أطهر !
لاتتثائب !
إعمل ـ
إعلم !
هذا الصبح الفاضل
معمل !
وإنته ياأستاذي
الفار !
*
كادح جداً !
ساذج أكثر !
مرّه فوق
ـ مرّه تحت !
مرّه تلعن
ـ مرّه تمدح !
ياخي الدنيا
حلوه جداً !
حلوه بلادك !
تشبه أمك !
تكرم أمك ــ أمّك أطهر !
*
*
تشعر إنك واحد عاله !
ـــ وإن الدنيا مثل [ الصاله ] !
بس الأغرب إنك تكدح !
ـــ تكدح لجل تبيع افكارك !
وتْجاوبك ْ بلادك : أهلاً !
ـــ تفتح كل أذيال أزرارك !
تلعن شكلك !
يلعن دارك !
إسكت وإحرق كل
أشعارك !
*
*
شايف والله الدنيا
حلوه !
حلوه بلادك !
ليت بلادك ياخي أمك !
كان تلمك !
كان تضمّك !
كان وكان
وكان وكان !
ياخي إسكت !
صِك أزرارك !
صافح حزنك واصفع خوفك
جدّك حارب ضد الترك !
جدك حارب ـ حارب ـ حارب !
لجل تعيش وإنت الأكرم !
لجل تفاخر بين الناس !
جدي كان الأشجع وأقوى !
جدّي كان بروسلي وقته !
ياخي ساخر هالتاريخ !
ــــ آسف جداً عالتوضيح !
بس أحتاج لـ لقمة عيش !
ــــ ماأبي أوصل للمريخ !
*
*
ترجع ثمّ بنفس النبره !
ـــ تكتب : صافح حزنك وإضحك !
حلوه الدنيا !
وأكمل ـــ باقي هذا الشعر ........... !

لم تكتمل ولكنها ناضجة بما فيه الكفايه !

هذا القلم حبره الــزمزم ! 
ــــ كن الورق للـحروف القمح ! 
هذا الشعـر للحكي يعزم ! 
ــــ والفكره أقرب لسّن الرمح ! 
*
*
الحرف يا ضفّة المينا !
ـــ طفل ٍفقد كِلّ أوراقه ! 
يبحث يدوّر أســامينا ! 
ـــ في بحر مايشبه أحداقه ! 
كم له يصوّت ينادينا 
ـــ وإحنا نوينا على إغراقه !

يظن الطفل مايكبر !




هتك بْــ رجوله 
ألــعابه ! 
ــ ودمّر
ضحكة أيّامه ! 
رجُل فارغ 
من الرحمـــه ! 
غبيّ بظنّه
الفارغ ! 
يحَسب إن الزمن 
واقف ! 
يظن الطفل
مايكبر ! 

رحلة من وإلى الذات !







مسافر وين ؟ 
لاتنشد ! 
على درب الحزن ساري ! 
مسافر وين ؟ 
ماأدري ! 
وأنا أدري وينها داري ؟ 
أببحث داخل 
الدنيا ! 
أببحث عن حضن دافي ! 
بلادي ! 
آه يابلادي ! 
أنا ضيّعت ميلادي ! 
أنا ضيّعت عنواني ! 
أنا ضيّعت ... وش ثاني ؟ ! 
ولكن 
وينها بلادي ؟ 
بعيده 
...... آخر الفرحه ! 
بعيده جدّاً الفرحه ؟ 
أنا مدري ! 
أنا أجهل ! 
أنا يا أرض
متشتت ! 
كأني مضيّع بلادي ؟ 
أحد ياناس 
يرشدني ؟ 
بلادي ! 
ويـــنها بلادي ؟ 
بعيده ! 
آخر الفرحه !

طفل !

طفل ٌ 
يرسِمُ ضوء الحلم ! 
طفلٌ 
يعبثُ بالأمطار ! 
يشعرُ
أن الماء سماء ! 
ثم يطبطب فوق 
الأرض ! 
يعلمُ أن الماء 
حياه ! 
طِفلٌ 
يختصرُ الأشياء !

أبيات ناضجة ولو لم تكتمل !



[ وثْبَاتْ وَثَبَاتْ

علامك حاضن إيدينك ودمعك محتضن خدّك ! 
ــــ عسى الله يمحق الضيقه إذا هي كدرّت نفسك ! 
تبسّم طزّ فــ الدنيا ولاتسوى ظفر يدّك ! 
ــــ كفى هالوقت لو يفهم : تسبّح ربــك بهمسك





[ وصف ورصف ] 
 
تهزّ الكّف والحِنا تساقط ! 
ــــ مثل مارشّت الغيمه مطرها ! 
بريئة كِل ماقالت : أحبّك ! 
ــــ أحس إن الخجل طفلٍ كسرها! 

[ رسالة الشاعر ] 

أصعب سؤال يواجهك فــ الكتابه ! 
ــــــــــــ وشلون تصنع من شعورك رساله ؟ 
هذا السؤال بحّد ذاته إجــابه ! 
ــــــــــــــ حاول تحسّ إنك رسول العداله !


[ مشهد غير مكتمل ] 

لا زعلتي تمطر عيونك عِطر ! 
ـــــــــــــــ ماانتي أنثى إنتي أقرب للشِعر !



[ لعبة الكراسي ] 

هذا البشت الصاخب : عاري 
ــــــــــــ ضفدع يزحف فوق الماء ! 
لحـظه : قبل يتوه القاري ! 
ــــــــــــ حطّوا نقطه فوق الهاء !


[ طهاره ]

أحتاج لي 
شعر متزمزم ! 
أحتاج لي 
صبح يتكلّم !



[ حقيقه ] 

تدري وش اللي هزّني في رجوعك ؟ 
ــــ إني فقدتك كثــر ماكنت فاقدك ! 
ماشفت من شوقك حكايا دموعك ! 
ــــ يعني غيابك نفس منظر تواجدك !


[ إستنزاف ] 

كأنك يالحزن عادي ! 
ـــــــــ مهاجر لــ أسفل الوجنه 
كّـأن بكفّك بلادي ! 
ـــــــــ ورمح ٍ واقف ٍ سنه !


الحريّه !




*
ـــــــــ
*
ليش الحزن
يبدّد عمرِك ؟ 
ــــــــــ دكي لعنة هذا
الباب ! 
وشهو الباب ؟ 
وخزة ناب ! 
طيري
شوفي الدنيا كيف ! 
ــــــــ طيري
شوفي لون الطيف ! 
عيشي عمرك ! 
ليش الحزن ؟ 
دكّي لعـــــــنة هذا
الباب ! 
طيري 
شوفي الدنيا حلوه ! 
إنتي أجمل 
إنتى أحلى ! 
يعني إحنا
كم بنعيش ؟ 
ـــــــ مافي إنس
وله عمرين ! 
دام بنحيّا 
مرّه وحده ! 
ــــــــ هيّا نكسر هذا
الباب ! 
شوفي كيف العالم حيّه ! 
ـــــــ هذا هو معنى الحريّه !

الخميس، 29 سبتمبر 2011

عوره !

*

ـــــ
*
عوره ! 
عورا ! 
عروه .... تضمى ! ؟
مو معقوله ... لازم تُعطى ! 
هاتوا شرشف ! 
ــــــ لا ياحمقى ! 
هاتوا شرشف ! 
ــــــ لكن عاري ! 
حتّى الإسم يكون 
ـــــــ إبهامي ! 
عورة إصبع ! 
ـــــــ إصبع عاري ! 
*
*
مُقنع جداً هالأسلوب ! 
ــــ لجل تفصّخ كمّ الثوب ! 
*
*
[ لحظه ] 
.... كنت أتسائل دايم ! 
ــــ 
وشهو العيب 
وليش الجيب ؟ 
ليش أزرار الثوب :
الستر ! 
مقنّع جداً هالأسلوب 
ـــــ لجل تفصّخ هذا الثوب ! 
ــــ 
شقوّا الجيب .. مآبي الجيب ! 
لا ياحمقى 
ماهو الأعلى ! 
أقصد : هاللي عالفخذين ! 
.
.
مقتع جداً هالأسلوب ! 
ـــــ لجل تبدّل هذا الثوب !

كرم الصخر !!



[1]
هذا الصخر ... الفاضل 
أكرم ! 
أكرم جداً ممّـا نهذي ! 
لو لَمْ يَعَطِيْ 
إلا حَجْرَاً 
داخل أيدي هالثوّار ! 
.
.
[2]
.
.

ساعد في تحرير 
القدس ! 
ضحّى الصخر 
بكّل أبنائه ! 
عنده مبدأ ! 
حُبّ التُربَهْ ! 

الطــريق المــّر !

[ 1 ] 
ومرّ من الطريق 
المرّ ! 
وخطواته من العلقم ! 
تنهّد كمّه 
وتمتم ! 
متى أوصل لبيت الشِعر ؟ 
شبابيك الرصيف 
أومت 
خفافيش وظلام 
وإيش ؟ 
هنا سنّارة الفِكره ! 
من آخر زاوية 
حزنه ! 
كأنه شاف له / إبره ! 
نسج من قطنها 
فكره ! 
وفصّل خطوته !
بكره ! 
مشى لين آخر العبره ! 
وصدفه ! 
طاحت الفكره ! 
وبيت الشِعر 
مابيّن ! 
*
*
[2] 
ومرّ من الطريق المرّ 
وخطواته من 
العلقم ! 
ذكرّ ربه : رفع كمّه ! 
وقف في قارعة 
جفنه ! 
ومد إيدينه لربّه ! 
وتمتم بالخفــا 
ذكره ! 
يارب الناس : عاقبهم ! 
يارب الناس ......
وأستغفر ! 
يارب الناس : سامحهم ! 
تنهّد ... وأحتضن يدّه ! 
كذا هو : لا قسى وقته ! 
يضّم أيدينه لصدره ! 
ويبكي قدّ مايمشي ! 
إلين دموعه العاقر 
تطيح 
وتنجب : الشاعر ! 
*
*
[3]
ومرّ من الطريق المرّ 
وخطواته من 
العلقم ! 
تنهّد كمّه 
وتمتم ! 
متى أوصل لبيت الشِعر ؟ 
شبابيك الرصيف 
أومت 
خفافيش وظلام 
وإيش ؟ 
هنا سنّارة الفِكره ! 
كأن الفجرّ ذا بيّن ؟ !
كأنه هالطريق يبان ! 
سمع في آخر الشارع 
آذان وصوته مدوّي ! 
وصل حتى يدين 
الباب ! 
ووضّى وأنطفى حزنه ! 
دخل لين أول المسجد ! 
وكبّر ... وأنحنى لله !

الأحد، 25 سبتمبر 2011

بنت نِعمه !

بنت نعمه !
بنت عز 
لاطريت الفقر قالت : 
ياخي إنتم 
... وين إنتم ! ؟
مابه سعودي فقير ! 
ياطمعكم [ يالـــ ...... ] 
*
*
ساخره جّداً 
بليده ! 
تحسب إن الفقر [ طاسه ]
مابها قطعة أرّز ! 
*
*
تحسب إن الفقر : يعني 
لا إنفصل جوالـــــها ! 
ولا حضّر سوّاقها ! 
تحسب إن الفقر : جمله 
تايهه
بين الجُمل ! 
مادرت
إن النبي 
كان راعي للغنم ! 
*
*
الفقر ماهو
ريالك ! 
أو زكاتك
أو رفاتك ! 
الفقر : لاضاع دينك ! 
كائنه فعلاً 
ولكن 
كائنه
مثل [ الــ ...... ] 
الفقر 
... ماهو بعيب 
لكن العيب
الحقيقي 
فقرنا
في فِكرنا !

ســــاره !

كن هذا الصوت 
قُمري ! 
مرّ به طيفٍ 
لصدري ! 
آه ياصوته 
وسطري ! 
آه ياطيـــفه 
كِسرني ! 
.
.
مرّت الذكرى لحن ! 
آهــ 
ياليــل الحزن ! 
كِن هذا الصوت
قمري ! 
مرّ به طيف ٍ
لصدري ! 
.
.
فزّت الذكرى 
لكفّي ! 
فزّت الذكرى 
لضعفي ! 
.
.
هالطريق اللي أشوفه ! 
كان أنتي ! 
وينك إنتي ! ؟ 
ليش رحتي ؟ 
مارحلتي ! 
من يقول إنك : رحلتي ؟ !
هالطريق اللي 
أشوفه ! 
كان أنتي ! 
صار أنتي ! 
.
.
علميّني ... كيف أجاوب ؟ 
ليش أسأل ! 
ساعديني ! 
وين أشوفك ؟ 
في رصيف الخد : ساره ! 
في عيون الناس : ساره ! 
في ملامح هالجفن ! 
صوت ساره ــ وجه ساره ! 
آهـ ساره ! 
.
.
طاحت الذكرى 
لكفّي ! 
صرت أشوفك 
بين كفّي ! 
.
.
سافري ... لا 
لا تعودي ! 
سافري في بحر 
صدري ! 
مابعد غيمي : حرج ! 
مابعد نبتي 
نضج ! 
.
.
صدقّيني ... يالهدب ! 
ماتخيّرت التعب ! 
.
.
هالدموع اللي سقطت ! 
طفل ٍ وقمري 
كِتب ! 

.
.

يارب آت ِ كل ذي قلب ٍ قلبه !

الجمعة، 23 سبتمبر 2011

هالبنت ياناس لاتكبر !



تكبر 
عشان الفرح 
يكبر ! 
بيدينها 
لين وجنتها ! 
تكبر 
عشان الورود تقول :
يايانعه 
إنتي الأجمل ! 
تكبر لجل ترمي 
المريول ! 
وتقول : أنا كبرت 
ياماما ! 
تكبر لجل 
تجتهد أكثر ! 
تسهر 
وتنجح
وتتفوق ! 
تكبر وهي تنتظر 
فارس ! 
والفارس المبتئس : عاطل ! 
تسهى وتبني لها 
أحلام ! 
وآخر تعبها : سرير الآه ! 
من عقب ماكانت الأجمل ! 
صارت فريسه 
لـــ ناب الحزن ! 
من عقب ماعينها 
قنديل ! 
صار الكحل أسفل الوجنه ! 
من عقب ماخدّها 
راوي ! 
أصبح غصن ذابل ٍ ميّت ! 
*
*

تكبر 
عشان إيش يامحمّد ؟
يارب هالبنت 
لاتكبر ! 
*
*
هالمجتمع ماهو بثيّب ! 
ـــــــــ والبنت عذراء من أحزانه 
.
.

هالبنت ياناس لاتكبر
ــــــــــ قولوا لها تلبس المريول



لوحة ٌ مّا , ورُبمّا فِكرهْ !





فِي يَدِي مَاءْ ! فِي فَمِي سَمَاءْ !
 فِي عَقْلِي غَيْمَه !
 مَابَيْن أَصَابِعِي خُيُوط ٌ بَيْضَاء !
 وَفِي رَاحَة يَدَي أَمْطَارٌ وَصَهِيْل !
 وَفِي جَيْبِي الْكَثِيْر مِن الْحَكَايَا !
 هَلَّا وَهَبْتَنِي الْقَلْيْل مِن الْدُّهُور حَتَّى أَتُحَدَّث ؟
فِي قَدَمَي طَبْشُورَةٌ مِن تَارِيْخ !
 مَابَيْن شَفَتَاي حَضَارَات الشِعرْ !
 عَظَمَتِه
 سَذَاجَتِه 
 وَالَكَثِيِر مِن قَوْس قَزَّحَه الْصَّحْرَاوِي الْشَّاحِب !
 هَلَّا وَهَبْتَنِي الْقَلْيْل مِن الْدُّهُور حَتَّى أَتُحَدَّث ؟
هَل عَرَفْتِنِي ؟ أَنَا الْقَصِيْدَة !

مشهد مكتمل !

*
*
مشهد مُكتمل ] 
*
ــــ
*

مسحت دمعي
..... بُكّم الثوب
قلت : الصور !
قالت : إحرقها !

شاعر !


*
ــــــــ
*

كم لي أقول السِما 
قلبك ! 
والغيــــــم خدّك 
وأنا شاعر ! 
.
.
ــــــــ

كم لي أقول / المطر 
عينك ! 
والغصن ليلك 
وأنا شاعر ! 
*
ـــــ
*

كم لي أقول / الشعر 
رسمك 
والسطر رمشك ! 
وأنا شاعر !

من هي الأجمل والأصدق ؟

وش هي الأطهر 
والأجمل ؟ 
من هي الأعذب 
والأصدق !؟ 
من تمّد النور بيدين 
الشِفق ؟ 
من هي الأغرب ...
والاسما ؟ 
من هي البيضاء .... جداً ؟ 
من هي الأكرم ...... والأغدق ؟ 
آه ياأعظم بلد ! 
آه ياأم القرى ! 
أقسم برب العباد ! 
إنك أعظم ياوطن ! 
يوم تحمّلها بكفّك ! 
يوم تحويها بحضنك ! 
في يديك النور يهطل ! 
ويتزمزم ويتهندم ! 
ويتشكل ! 
ويتكوّن ! 
لجلها بيدين صدرك ! 
لجلها تشمخ بذِكرك ! 
من 
تظنّوا ؟ 
مين ؟ 
قولوا ! ؟ 

.
.
هذي مكّه ! 
بسّ مكّه ! 
آه يامجحف [ أحبّك ] 
يوم أمررّها لقلبك ! 
ماتكفي ! 
لا وربي ! 
والله إني ضِعِف أحبك ! 
كثّر ماصلىّ باأرضك 
مؤمنٍ خاشع وطاهر ! 
ثم سجد لله وأردف 
سجدته 
دعوه 
..... ودمعه !

رسالة ٌ حمراء من [ صومالي ] !!



مدّ لي يدّك
برحمه !
مدّ لي قلبك
بعطفه !
مدّ لي بالفاه
ماء !
هات لو ثلث أصبعك !
مدّ لي ياااااااااااخي يدك !
والله إني إنس مثلك !
أعبد الرحمن ... مثلك !
هات لو [ قطره ]
يسرّك ؟
شوفني ميّت وحيّ !
مالقيت من الغذاء
إلا الوباء
حتى دمعي لاهطل
من دون
ماااااااااااء !
يابسه أوطان عيني !
لو نزل من عيني
قطره !
لاتظن إني ابحزن !
ببسط إيديني
وبشششششرب !
مدّ لي يدّك برحمه !
ماأبي غير الغذاء !
أو سماء تمطر
بماااااااااااااااااااء !
ماطلبت أصبح ملك !
لا وربك
ماطلبت !
ماطلبت إلا أعيشششش
أو
أموت بلا عطشششش !
سنبله من يدك تكفي !
قطرة ٍ من يدك تكفي !
أسألك بالله
.... ترضى ؟
لو أخوك يموت
جوع ! ؟
لاتقول:
أعطيه لحمـــي ...
لاتقول:
أسقيه دممممممي !
أعطني قِل الغذا
واسقني لو طعم ماء !
ماأبي أكثررررر ولاأغزر !
بس أبي جسمي يعيييش !