ياصوتها الساكن
في بحة الموجه
يارمشها الناعس
كم كنت أماري به !
مرّيت به
ليله !
ليلة مواويله ...
ليلة مطر
بيضا ...
في موعد
القمرا !
مريت به طفل ٍ
يتبلل
ـــ ويلعب !
ترقص به
النجمه
تطفي به
العتمه
كم نورس ٍ
غنى !
في ليلة المغنى !
كان الحكي نسمه
متهندم ٍ همسه
كنت أجمع الكلمه
في داخلي
زحمه !
زحمة حكي
عيّا !
وأزريت في قوله !
كنت أسمعك
لا ... لا
أتنفسك
يمكن !
مااذكر اللحظه ...
أشعر بها
ديمه
بس أذكر الكلمه
قلتي لي : آحبك !
كم مال بي
غصنك !
كم غردت إيدك
وأستوطنت
كتفي !
كم كانت اللحظه
ممطوره
وزرقا
ياصوتها ـــ صوتي
لاتسرق
اللحظه !
أحتاج لي غيمه
بريئه
وبيضا
تسافر بيدّي
إلى كوكب الورد !
تزمزم شفاهي بلحن
يترنم !
وأمشط أطراف الشفق
وآتبسم !
ترقص بي وتختال
واضحك ــ وأغني !
واحكي لها عني
وإني ..... وإني !
وتطير بي
حد القمر والتمنّي !
.
.
أحتاج لي غيمه
تعلمني أضحك
وإن جار وقتي
تسرق الهم مني !
تبحر بي
تهرب بي
وتغني لي
لين أحلم !
أحلم إن الناس / أجراس
وإن الدنيا
حلوه حيل
ـــ واني أقدر
أتموسق
مع كل دمعه
ـ اتغوسق !
وإن الحزن الكائن :
هشّ
يُكسر ـ يُبتر
لو حبيت !
وإن الضحكه : هي الفاس
تكسر كل جذوع
الحزن !
وإن البسمه
ـ لفظ الحب
وإن الطِيبه
ــ فعل الحب
وإن الفاعل
ـ كائن حب !
وإن الحب : الأسمى
عذب !
.
.
وتغني لي
تتشكل !
تمطر
تمطر
وأتبلل !
والله إني حيل
طيب
يطعنوني
ألف طعنه
وأذكر إيديهم بخير !
كم تحس الناس / معدن
فيهم نحاس
وذهب ...
كثر ماشعري
تسامى
لين سموني : المطر !
ماكسبت الصيت
صدفه !
دام لي حرف ٍ أرّفه !
.
.
كم صغير ٍ بي تبلل ...
كم غرق بي
كم تهادى
كم تمرجح
وإنتخى في كم مضلّه ! ؟
.
.
في يدي
أوطان غيمممم
بالأصابع : حرف
ديم !
حبري رذاذ ٍ وسيل !
شعري اللي كم نزفته
يعتبر درس ٍ لجيل !
مانقشت إسمي : كذب
مامدحت القاصرين
ماشحذت التافهين
ما طلبت الفارغين
ممتلي عز ـ وفخر
حتى لو كنت الفقير !
اللي أضناه التعب !
.
.
قالوا إني : كنت أكرر !
قالوا : إني
إني ......... إني !
والله إن أشخاص واجد
كرروني / ولا آتكرر !
كم أمرر ؟
ــ ليش أمرر ؟
يمكن لأن : المطر
ينزل لهالناس
طاهر !
لكن أحيان البشر !
تتسخ من وحلها !
.
.
هالمطر لو طاح : رحمه
ـــ به مطر قاسي بجلده !
