هالليل ياخي عجيب أمره !

هالليل ياخي عجيب أمره
ـــ يتلحف الحزن بااسنانه
يستجدي العسر في يسره
ـــ ويسوق قطره من أغصانه
تسقط من الجذع كم تمره !
ـــ ماتشبع الصبر .... ذبلانه !
الليل يُكتب كذا شطره .
ـــ الحزن لاتعزف ألحانه !

تاكل كرز ؟

ويتحّناك الكحل !
يسرق الرمش وينام !
يفرش اضلاعه زمن !
ثم يعصاك بخجل !
ليش أدور بك نشيد ! ؟
وليش أحس إنك
وطن ! ؟
وليش أحس إني فقير ! ؟
من تنادين الجُمل !
وليش أحس إني ملك !؟
من تمرين ل يـِدي !
ليش أحس بربكتي !؟
او مخافة قوتي ! ؟
ليش أجاوب واسألك ! ؟
واحضن بعينك صبى !
ليش أنا مثل الطفل ؟
يصفعه كثر الحكي !
يلبس جروحه
ينام !
يرجع ينادي بخوف !
وده بشمعة صلاة !
ينتهك ذنب المكان !
يخترق صمت الكفوف !
يعبر الشارع ... حزين !
تبتسم له أرصفه !
يرمي شفاه التعب !
وترمي اوقاته يده !
يمسح امطار السنين !
لالقى طفله معه !
تهمس بإذنه : هدير !
وتجرح خدود الحبق !
طبطبت فوق الغمام !
واهمست : تاكل كرز ؟

لاتميلين بخجل !

مالت بصدري حروف !
وأرسمك ليل وطيوف !
لاتميلين بخجل !
ويتحنّاك الرمل !
مسرفة !
ومدللـه !
باسقة !
متغطرسة !
غطرسة بنت المطر !
قطرة !
بشّفة طفــل !
تشبهين من الدعاء !
مدّت ايدين الصدق !
كنّك الصبح لفقير !
مبتسم حزنــه بخير !
كنك الوجه الغريب !
يختفي خلفه حكي !
كنك اوراق الأديب !
وانصهارات القلم !
كنك دموع الألم
وكنك الصبر العظيم !
ماقلت احبك للحروف !
إلا انرسمتي بالطيوف !

طفلين !

الصغير اللي يطبطب للصغير !
ــ كم يحيك من السما فلية شَعَر !
يمسك إيدينه يقول : إحنا بخير !
ــ ماتشوف الناس ماعادوا بشر !
يمسح الأول دموعه ... يستخير !
ــ قال : أنا وياك يجمعنا فقر !
يانغوص الليل نبحث عن كثير !
ــ أو نصيد الصبح باحشاء السهر !
تمتم الثاني واذا قلنا نطيــر !
ــ نقدر نصّوب من الأعلى حجر ؟

يمّر الحزن ْ !

يمّر الحزن ....
يتشّعب !
يمّر بقسوة الظــالم !
يمّر ... ينشد
عن أوضاعي !
اضمّه ... يلوي ذراعي !
تطيح البسمة
الثكـــلى !
تطيح بخوف ...
ذبلانه !
تطيح وكنّــها غزّه !
إذا صاحت
من أقصـــاها !

ليش هالدمعه ؟

تطير
البسمه الخجلى !
وتحضن
وجنة الورده
تمّر
وترتفع لـ أعلى !
وتسقط
قطرة ِ بيضا !
علام البسمة
فحزنك !
أنا ادري فيك
وبقلبك !
ورب الناس
ياكبرك !
وانا أشوفك تجاريني !
كثير من الوجع
زارك !
ولكن تُقفل أزراك !
أجل
مادامها بسمه
ابفهم
ليش هالدمعه ؟
.
.
ياويل الحزن
لو يدري !
يهاجر في وطن كافر !
وانا ادري
زارك وحبـــك !
من اللي بس ماحبّك ؟
اجل خليه يتعلّم !
لعله يؤمن ويسلِم !

التفاصيل الدقيقه !

للتفاصيل الدقيقه .
والبقايا من سكاتك !
أمنياتك
__ ذكرياتك !
أبتسامك
__ أغنياتك !
كثر ماهمت بخيالي
وانتشيت !
كثر
مادمعك طرالي يوم
ليت !
.
.
ليت ماكان
الفراق !
وليتك بصدر الشِعر !
يكتبك
نفل وزهــر !
لكن
بحزن المطر !؟
يااااااااه
كم طيفك يمّر
وارسمه
بااحرف شعـــر !
ماطلبت
أصبح ملك !
ولاطلبت
أصبح عظيم !
بس أنا
ودي تمـــر !
مرّي
لصدري دقيـــقه !
ودي
أشعر بك حقيقه !

قُبلتين ! على وزن بيتين ْ !

ترسم الدهشه على وجه السنين !
ــ طفلة النسيان في رحلة قمر !
تنسج البسمه وطوق الياسمين !
ــ يحتضن فيها سواليف السهر !

ساعديني أكتبك !

ارمي الشال لـ زمن !
واحفظي منـه : العذل !
.
.
ساعديني أكتبك !
وأكذبيني أصدْقك !
علميني : ليش ؟
ليش !
واحتمالات العجب !
فهميني
وش سؤالي !
أو
سؤالي باقتناعي !
سافرت كل الحروف !
وش بقى ؟
صيـــت الهنوف ؟
أكذب الحكي : الشعر !
يعني الشاعر : كِذَب ْ !
يتبع الغاوي : فِكر !
لو كَفر !
يبقى : حَضـر !
أرمي الشال : لـ يِدك !
وأستري به دفترك !
.
دفترك يسكن يدك !
واكتتب : منه
الجبين !
ماحكيتي بعد عام !
قبل ماقبل : إنحكى !
ساعديني : واصدقي !
لجل حسّان وكعب !
ارمي الشال : الوهن !
يمكن أقدر !
واكذبك !

رُبْمَا !

تستفيق
بحضرة الليل
العريق !
تبتئس
منك الكآبــه
للطريق !
تنزوي في داخلك
ضحكة طفل !
وجنتك تزهر !
وتنضح بالخجل !
ماكنك إلا ربما !
مكفوفه بريق الضمى !
محفوفة
بسّكة سمــا !
يصرخ سكوتك ربمّا !
يحتاج لك رحلة شِعر !

من يشبهك ؟

كم يشبهك
هذا الصباح !
من تزفري !
يغفي القمر !
كم قلت لك !
من يشبهك ؟
يكفي عليك من الدلع !
تختال بك كل الورود !
ياآه في بسمة طفل !
يافاه مغرور بخجل !
يانفثه بصدر
السما !
ياأنتي !
وإنتي : عجب ْ !
ماقلت لك ؟
من يشبهك ! ؟

ماعرفتك !

ماذكرتك !
أو ذكرتك !
كم تركتك !
واحتضنتـــك !
بالسوالف ... بالوجوه
بالمرايا ... والطيوف !
ماذكرتك !
أو ذكرتك !
مدري ...
بطيفك عبر !
نسمه !
أو رشة مطر !
مدري بطيفك جَرح !
أو تعاويذ الفَرح !
مدري
بطيفك عبر !
وأدري
آشعربك : شِعرْ !
بالزوايا !
والاماكن !
بالوجوه !
وبالحكايا !
ماذكرتك !
أو ذكرتك !
واعترف لك :
ماعرفتك !

رسالة من تحت الماء إلى صديق السنين : عبدالله الكايد !

مشكله !
لو فزّ بعضي
يكتبك !
يجتاحني صوت الغمام
لـ مشتله !
وشلون يصفعني الكلام
وأرتبك ! ؟
ويطيح من عيني سحاب
ال قلتله !
.
.
ماقلت له ...
لو قلت له !
هذا القلم ...
مديون له !
بالحبر ...
بااوراق السنين !
بالعطر !
بضلوع الحنين !
مشكله !
لو شّك به !
مشكله
لو قلت به !
عطني من ايامك : ورق !
وأعطيك من حبري
غرق !
ياحابس الليل العتيق !
ضيعتني
رغم الطريــق !
تنشدني الدنيا :
عسى !
وتردد افراحي : بُكى !
بس أذكرك !
كنــي طفل !
يرمي همومه للـكُتب !
مايدخل الزاد بيده !
من دون كذبة صدقته !
شفني
تصورتك عظيم !
لو آفتك
كلمة : نســـى !
لو مرت الدنيا / عسى !
المشكله
وش موقفي ؟
تدري ؟
فداك اغلى قلم !
لو ينكسر
بس تنجبر !
.
.
وش آفة الشعرالعريق ! ؟
غير السكوت
المُفتعل ْ !
مشكله !
لو فزّ بعضي يكتبك !
يجتاحني
صوت الغمام
لأسئِله !
ثم ارتبك !
أو أرسمك !
وتهب نسمات الوفاء !
وتبعثرك ..بس أجمعك !
وتعود نفس المشكله !
كيف أسألك ؟
وأجاوبك !
ليتك تجاوب آفتك !
من غير بعضي
يرتبك !

يمدحونك !

زمرة أنفاس الصباح
ـــ مولدك ْ بين الرياح !
ينفثونك
ــ يشهقونك !
يحرقونك
ــ يمدحونك !
والورق
مثل البكــى !
مأترق !
ينشـــد فرح ْ !
ماتخونك
هالحيــاة !
كثر ماخانك
قلم ْ !
.
.
لاتظن إنك
عظيم !
: نعمة الواهب
كريم ْ !
إستمع للذبذبة !
وإحبس الصوت : بشعر !
أقسم برب البشر !
يقذفونك هالغجر !
انزع الطيبة كفاك !
زمزمك ....
يملي يداك !
ماضعفت لهالبشر !
من وانا
توي طــفل !
مااخاف
ــ ولا أهاب !
غير من رب البشر !
لو سكت ومانطقت !
لاني اكبر من :
غدر !
أدري وأدري كثير !
بالنعيق وبالهدير !
باللي اضنوني : كِذب !
واللي
اضنوني ــ طعن ْ !
اعرف وجوه الصحاب !
واضحه !
مثل الغيــاب !
أدري بحكي السهر !
وأدري
بطعن الظــهر !
وأدري برمح السحاب !
يحتفي فيه الضبــاب !
وش كثر طاحوا كثير !
ومابقى لي :ـ
غير .... أنا !
وش كثر كانوا كثيــر !
وأكتشفت إني
وحيــــد !
وش كثر كنت الكبير !
يوم اصافحهم وفى !
رغم كل
الأقنعه !
ماتخيرت الحكي !
ادري بطعن الظهـــر !
بس انا طبع : المطــر !
ماحضرت إلا
كرم !
ماهو لكل الوجوه !
بس
لاصفاهم ـ نعم ْ !

قلت لك : أقدر كثـــير !
إني
اصفعهم : أدب ْ !
لكن
السمعه : ذهب ْ !
مايليق لشيمتي !
اني انْقصْ
قيمتي !

تحت المطر !

---

تحت المطر !
طفلـــة شعر !
.
.
ترحق من إيديها عطر !
وازفر
من رذاذ الزهر !
.
.
تتنفس الغيم
...... ويطيح !
ويعانق
النســــــمه : جريح !
يفرش ذراعيه
لجبل !
تتنهد!
بحضنه نـــــظر !
يقرب من الخد
برِشاشْ
ويبوسها كنه طفل !
.
.
تستغرق اشفاه الخجل !
في تمتمة
روح المطر !
تقرب من ورود السما !
وتقول :أنا من هي أنا ؟


وتجاوب القطره :



مطر !
/
مطر
..... مطر !
\
مطر !

مطر !
"
"

تبدى السحاب الأغنيه !
والشمس تشرق أمنيه !

والغيم : لــــه رقصة
مطر !
وسهيل : يعتق بالسحر !
والليل ــــ مبهور
وفَرِحْ !
وِسيد المسا
ــــــ كل النهار !
يختال
في عزف الـــحصار !
وترده
نجوم الـــــجدِي !
موال
يشبه : للخريف !
.
.
احزن من افراح الشِعر !
والغيم
في لحظة عصر !
يطيح من رمشه مطر !
/
مطر ــــ مطر
\
مطر
مطر !

هو حبّها ؟ !

---

ضمتّه !
بيدينها واتنفست !
حبّته !
حتى ثمل منه الكحل !
شافته !
لين ازهرت عصر المطر !
تمشي
على اطراف الخجل
واهدابها
هيبة جبــل !
طاح المطر !
ـ صبح الفجر !
واتنهدت !
فستانها !
تزفر شظايا
شوقها !
قالت له : الغيم انهمر !
حتى الحبق !
فاح وسهر !
رد بسكوته !
يصرخه !
مشتاق لك : كثر البشر !
كثر الشجر !
كثر البكــى !
فاضت سيول جفونها !
قالت :
صحيح : تحبني ؟
.
.
هو حبّها ؟
أو
خانها ؟

ردّي السلام !

ردي السلام !
ولو سكوت !
محتاج
أحسّ برعشتي !
ردي على طيش الهوى !
أو صفصفة !
مسح اليدين !
ردي !
عسى عيني ترّف !
والقاك
بضلوع الشتا !
ردي السلام
ولو كذب !
محتاج اتوبك
واذنبك !
ردي السلام
وسافري !
حسّي بناري
وامطري !
هالليل
يشبهني كثير !
قاسي
يواسيه الهجير !
هالليل
كنّه مكتئب !
يحتاج له زمزم
رضى !
يكفي تنادين التعب !
وشفاهي
تضّم الورق !
ياويلك من الله
كفى !
شيمي
وانا شهم وضعيف !
ردي السلام ولو
سكوت !
رديه
لو حبر وورق !
ياسيدة ريح العطر !
وش يتعب الحر الشهم! ؟
غير انه
يحاكي صنــم !
آسف
على ورد الحشا !
آسف
على صمت الكلام !

سيّده !

لأنك اكثر ....
جيتك أغزر !
ارتبك منك الحكي !
ــ واندثر فوق الدجا !
فيني الآهـ
وحكايا عابرين !
أستفاقت
شمعدان وبرزخه !
يامعين
اللي يعين الصابرين !
مارضى هالليل
شمعه ترضخه !
.
.
سيّده /
لا ـ سيدي !
تأمره !
غصن الهدي !
سيّده !
لا : سيدي !
مازهمته ـ مرّني !

مهرجانات الإبل والماعز !

مجتمع فاهم
ذكي !
يعرف إنه في تتمّه !
يعرف إن الفقر حاجه !
ماهي لجنس البشر !
*
من مقامات الإبل !
لإستواءات [ الفحل ]
مو غريب
إن النياق !
سعرها .. ضعف البشر !
مو غريب
إن قلت ماعز !
تقفز
لـ عشرين حاجز !
الغريب
وضع تعجّب !
بعضنا
يبكي قهر !
ماهو لإنه ... فقير !
بس لأنه
ماهو ناقه !
*
قمت أشك
بكل طفل !
لو أقلّه :
وش طموحك ؟
يحكي بضحكه بريئه !
ليتني ياعمّ ناقه !
مو لحاجه
... أي حاجه !
بس أنا إنسان [ تافه ]
شايف شلون السخافه !
سعري بقيمة دجاجه !
*
*
شكراً وشكراً عظيمه !
نحنُ في عصرْ التخلّف !
من يقول أن الفقر
حكراً لجنس البشر !
الفقر / فقد العقل !
عندما نصبح : بِلاَ !
.
.
حطّوا قوسين [ ــ ومسافه ]
[ وأملئوا القوس بزرافه ] !
مجتمع واعي !
ذكي !
يعرف إن الأخ / طالس !
ماكتب علم الطبيعة !
ولا كتب بالهندسه !
ولا سقط في نصف حفره !
لجل يمعن بالنجوم !
.
غير لنّه كان يشرب !
بعض خمر من الإبل !
وفي يديه أربع زوايا !
ماعز !
وناقه ... وخيط !
وآخر الأربع / زوايا !
ماء ...
وإنسان ٍ مثلّث !