الجمعة، 24 فبراير 2012

الحكي [ أعمى ] !


ماكِنت أضن الحكي 
أعمى ! 
لو كان له حاجبٍ 
يدمى ! 
ماكنت أضن البشر 
تقوى 
وإن صار لك كتف 
كم يقوى ! ؟
ياشعري الأعظم ! 
الأجمل ! 
ياسيّدي
ـ يابعد حبري ! 
وشفيك ماتحسن 
الأسما ! 
وشفيك من صفعه 
لأخرى ! 
هيّا معي ! 
عطني إيديني ! 
هيا معي ! 
وإسكن بصدري ! 
كم قلت لك ! ؟
ـ طيعني تكفى ! 
ماطعتني ! 
ـ شف يدي تُدمى ! 
.
.
ماكنت أضن الحكي 
أعمى ! 
لين إنجرح سطري 
الأسمى ! 
.
.
يامايل الخد !
لاتجرح ! 
ياباهي الحسن 
من تجرح ؟ 
في صدري النور والغيمه ! 
في جفني الناس ...
ترنيمه ! 
ياعينك اللي ترامت بي ! 
ياجرحك اللي 
مشى دربي ! 
يكفي عليك الحكي 
كلمه ! 
ماهو أنا من رمى صدره ! 
من عثرته 
ولخطى رجله ! 
وإن شمت ... ماشمت بك 
إلا ! 
إني مطر ! 
للقلوب الما ! 
.
.
هذا انا 
وإنت لاتحكي ! 
ماكنت أضن 
الحكي أعمى ! 
حتى ثمل ثغرك 
باأشيا ! 
كنت أحسبه أعظم 
وأسمى ! 
.
.
عطني يدي 
وإترك الباقي ! 
لك منّي 
أشكرك واتعذّر ! 
آسف 
على الحب ... 
وإيديني ! 

حاول تحب الناس !


أي صدرٍ 
يوسعك ؟ 
كل يدٍ 
توجعك ! 
كل كلمه
تصفعك ! 
كل وجه ٍ 
يخنقك ! 
يعني تحسّ الناس ..... لعنة وجيه وفاس ! 
حاول 
تحب الناس ! 
مع إنهم .... [ وسواس ] !

اليدين أصدق !






ثلاث خطوط في يدّي ! 
ــــ ثلاث ورود في خدّك ! 
إذا صار القمر حدّي ! 
ــــ فـ أنا جزرك وأنا مدّك ! 
*
*
تغازلني / تشاغبني ! 
ـــ تقول : الريح تلمسني ! 
تقول : الغيم يحملني ! 
تــقول 
وماقدرت أكثر ! 
أمرر كل ماقالت ! 
ســـوى إني جيت أصافحها 
ولكن 
ماقدرت .... أحكي ! 
أحس
إن اليدين أصدق ! 
ـــ أحس 
إن الكفوف أعمق ! 
*
*
ثلاث خطوط في يدّي ! 
ـــ تصافح موطن خدودك ! 

الوعد ... كاذب !





تهندم ... 
جزّ من غصنه ! 
ورشّ الزهر في 
كونـه ! 
تهندم ! 
وإبتسم ثغره ! 
دقايق هالوعد ... أبطت ! 
تهندم ... 
راجع أشعاره ! 
حفظ بيتين 
بـ أزراره ! 
مشى لين
أول الموعد ! 
مشى والشوق به
يرعد ! 
يتمتم 
... وبـْ يِده ورده ! 
عسى تفرح
بهالورده ! 
أنا أدري وش كثر وديّ 
ياليت النجم ذا 
عندي 
وابلوّر نوره 
قلاده ! 
والبّسها 
... وأعانقها ! 
ولكن يازمن .. يـ لله 
ـــ عسى ترضى بهالورده ! 
.
.
وقف 
في آخر الشارع ! 
وقلبه
أول الشارع ! 
يناظر
كل خلق الله ! 
ــــ يدوّر غيمة ٍ
تمشي ! 
وقف ... 
حتى وقف طوله ! 
ــ رمى من إيده
الساعه ! 
ــ وقال الثانيه : تكذب ! 
أكيد الثانيه : تعذل ! 
أكيد الثانيه / تسرف ! 
بعد ماشارف الموعد ! 
بعد باقي لها ساعه ! 
لعل إني أسابقها 
لعل ....
وتسقط الدمعه ! 
تواسي خدّه 
... وثغره ! 
كأن الدمعه : الأصدق ! 
تقول لحزنه : الساعه ! 
مضت ساعات
تنطرها ! 
عسى لك موعدٍ
ثاني ! 
.
.
عرف إن الوعد
كاذب ! 
وطاحت من يده 
ورده ! 
ركلها 
وإلتقط حزنه ! 
وهذا آخر 
الموعد !

ياصغرهم لاتذكرتّه !


أغار 
حتى من لثــــــامك 
وأغار من 
زفرة
الحِنّا ! 
خذي من الشعر
فستانك 
وأتلثمي 
بعض أنفاسي ! 
وإن شافوا الناس
ريحانك ! 
ماشافوا إلا شِعر 
يمشي ! 
وإن مرت الشمس 
تستعجب ...
من وين إنتي 
ووش إسمك ؟ 
قولي لها 
... مسكني غيمه 
وإسمي 
.... قصيده بلا شاعر 
قولي لها 
... حبني كوكب ! 
مايشبه الأرض
ياشمسه ! 
أزريت أجاريه
في وصفه 
وإن مروا الناس 
... كرمتّه ! 
كل ماأشوف البشر 
... غمضّت ! 
ياصغرهم 
... لا تذكرته !

زاويا مكتمله ...


*
ـــــــ
*
[1]
ورب الحب .. مافيني أبيّن لك عن إعجابي 
ــــــــــــــ لذلك إستري يدّي وخبي زهرة لثامك !


*
ـــــــــــ
*
[2]
هالدمعه اللي واقفه باآخر العين 
ــــــــــــــــــ مثل بدويه صد عنها ولدها !

*
ــــــــــ
*
[3]

من علمّك تطعن إحساسي ؟
ـــــ وإنت أطيب الناس في عيني 
مديت لك بالوفا كـاسي 
ـــــ ياليت ماتطعن إيديني
*
ــــــــ
*



[ مجاراه
هيدي النعمه من خِير اللاَّ 
ــــــــ مابتنفع غير لــ لِبْنان 
عم يحملها جعجع هلاَّ 
ــــــــ شــو بِيــعرّف هـ البدوان
[ محمد النفيعي ] 
*
*
لك .. يا اللا ومن خير اللا 
ــــــ عم تحسدهون يافقران ! 
إنتا ويحد همّك فــيلا ! 
ــــــ أبلااا فــكّر بالجيران ! 
يعني فيكووون حِسن الطّلااا ؟ 
ــــــ يأطع بيكن يالبدوووان !
: )
[ سعيد موسى ] 

*
ــــــــــــ
*
[4]
ياكبرها لاصار وقتك يعاديك ! 
ـــ حتى رماك بسهم ربعك وناسك 
ياثقلها لا صار دمعك باأياديك 
ـــ ويطيح بعضه وأمتلى منه كاسك ! 
أقلّها يوم ٍ ندهتك وأناديـك ! 
ـــ مديت لي طعنه وأنا أحبّ راسك !
*
ــــــــــ
*
[5]

أحسّ النافذه 
[ أنثى ] 
تشيل بصدرها 
[ أسما ]
*
ـــــــــــ
*
[6]

من كثر ماهي طيّبة قلب وإحساس 
ـــ تقول ياليت الوجع بي ولا فيك ! 
تقول : أحب الناس لجلك من الناس 
ـــ لامن طروا شهم ٍ ذكرتك وأحاكيك 
يكفيك يوم ٍ أمسك بيّدي الكاس 
ـــ أشوف به وجهك وأصوّت وأناديك 
لايابعد كل الحكي .. شفت هالراس ؟ 
ـــ لو تطلبه يفداك .. ياليت يرضيك !
*
ــــــــــ
*
[7 ]

وربي ماقصم سطر الشعر شطرين مكسوره ! 
ـــــ ولو تتبلور الفكره وتشجب لجل شاعرها ! 
وربي ينهض إحساسك إلى من شفت لك صوره . 
ـــــ فتاه تضمّ طفلتها وهي تنزف محاجرها 
تصيح بهالعرب تكفى ياناس العرِض ذا عوره ! 
ـــــ وهم في آخر المشهد مع اللقطه وناشرها ! 
يفز بقلبك الشاعر وتصحى داخلك ثوره ! 
ـــــ إذا ماصاحت النخوه بلاش إيديك وأبترها !

مباركة شغب !


إعتبروها مشاغبه المهم أن لاتعبرونها شعراً ! 
.
.
تقول : 
جُمعتــــك ياسعدو 
جُمعه بريئه 
وطيّوبا 
قلت : 
البقى 
يابعَــد بْعدو 
وش قّد عينيك 
مهيوبا ! 
قالت لي : أحّــــه ! 
ترى لدو ! 
تِعرف أنا 
بنت مخطوبا ! 
قلت : أقصر النهر 
من سدو ! 
قالت : ترى الباء 
منصوبا !
: )

عيونك !




اللي تقول الكحل / ماعاد له لون ! 
ــــــــــــــــــ ماتدري إن الرمش لونه قصيده ! 
الرمش رمشك والشِعر كله عيون ! 
ـــــــــــــــــ يعني [ عيونك ] منفذٍ للمكيده !

مرّت !


مرّت 
وكنّ البدر يرسم أثرها ! 
مرّت 
وكن النور مخلوق منها ! 
مرّت 
وكنّ الريح 
تحمل عطرها ! 
مرّت وأنا واقف 
على قاب قوسين ! 
بيني وبين الغيم 
قصّه طويله ! 
مرّت وصدري يرتجف 
مثل عبره ! 
يتنهد اللوعه ويزفر 
كحلها ! 
هاروتة النظره
وريميّة القد ّ ! 
ممشوقة الطلّه
وغيميّة الخد ! 
جبينها بحري 
... به الجزر 
والمدّ ! 
وبعينها طفله 
تمايل مع الورد ! 
مرّت 
وأنا في حالة الصمت 
مذهول ! 
أتمتم بصدري 
وأبسمل عليها ! 
في داخلي صوت ٍ 
يقول إنت : عاشق ! 
وأكبر دليل إيديك ! 
ياسعيد : ترجف ! 
ماهي بـ أنثى ! 
قـل إناثٍ كثيرات ! 
ماهي بوحده ! 
هذي ألفين وحده ! 
ماهزنّي فيها سوى شيئ 
واحد ! 
في عينها مهره 
أبد ماتروّض ! 
مرّت ... ومرّ الشعر 
من شفّة الديم ! 
كانت سحابه 
والمطر يقتفيها ! 

كانت [ قصيده ] !

كنت ِ ضياء العين يوم الزمن طير 
ـــــــــ كنت ِ قصيده دون أيّة كتـــابه ! 
من غاب طيفك أضرب الكف وآسير 
ـــــــــ مثل بدوي ضيّع بصحرا زهابه !

تذكّر وجهي الشاحب !




تذكرّ 
وجهي الشاحب ! 
تذكّر
نظرة عيــوني ! 
بعد ماتكبر 
إعظامي ! 
وينضج ساعدي 
... [وجهي ! ]
بتكبر نظرتي 
... تثمر ! 
وياكل هالثمر 
أُمـّه ! 
تذكّر 
بس لاتنسى ! 
لإني قاتلك 
حتماً ! 
مثل ماتقتل
أعيادي ! 
مثل ماشاخت 
بلادي ! 
مثل ... ماايدينك 
القذره ! 
مليئة باأكثر 
أخواني 
مثل ماجبهتك 
سودا 
تشعّ لتربتي 
ظلمى ! 
مثل ماصدرك 
الضيق 
عجز يتركني 
أحيا بي ! 
تذكّر نظرتي 
وجهي ! 
لأني ببترك 
حتماً 
وبغرس نبتة 
بلادي !

شاعر [ مجرّد ] !


كأنك تحرث
أوجاعك 
وتزرع داخلك 
طعنه ! 
وتصبح لجل تسقيها 
من أنقى زمزمك 
دمعه ! 
بعد جهد وعنا
تثمر 
وتقطف نبتة : أحزانك ! 
*
*
مجرّد شاعر 
ويكفي ! 
بإن الناس تقرا 
لك ! 
يمرون الوجع 
عادي ! 
بلا إحساس أو
رحمه ! 
ويمكن : 
يحفظوا شعرك ! 
وينفونك
إلى الظلمى ! 

صورة .


الإهداء / لــ شاعري :  ماجد عبدربه 

*
ـــــــــــ


كأني ماعرفت 
أقرا ...
ولا قد قلت لك 
أشيا ! 
كأني لو نطقت : الما 
يثور الصمت 
[ يتهجّى ] ! 

*
*
جدار الوقت 
به صوره ! 
جميله 
بس مكسوره ! 
ملامحها
مثل طفله 
تشيل بكفّها 
جمره ! 
.
.
غريبه لقطة الصوره 
والأغرب 
ليش [ مقصوصه ] ؟ 

مشـهد !


من اللقطه
ـ إلى المشهد ! 
وهو رافع يدين 
الما ! 
يحيك من الحزن 
سلمى 
وكم عصفورة ٍ 
تُدمى ! 
يمرّر ريشته 
... أعلى ! 
ويرسم / بعض 
ضحكتها ! 
وجزءٍ فارغٍ مُظلم ! 
جُزء مفقود 
أو مــنفى ! 
.
.
يمرر ريشته 
أدنى ! 
يكرّر ماسقط منها ! 
سماء
وزهرة ٍ حمرا ! 
وفاس ٍ 
يحمله نورس ! 
على كفـّه 
كثير أشيا ! 
كأنّه شايل ٍ 
[ صوره ] 
ووجه ٍ تشبهه 
سلمى ! 
إلى ماقبل .... مابعده ! 
نهر عاري جسد
جاري ! 
وطفل ٍ شايل ٍ 
[ تــُربه ] !

حالة شعريّه !

من كثر ماأهتزت أكتافي ! 
ـــ صار الشِعر شيخ يرقيني ! 
مرّه يبسمل على أطرافي ! 
ـــ وأحيان ينفث ويرميني !

بنت الطنايا !

بنت السحاب اللي ملا كفّها الخير ! 
ــــــــــ ماكنــّها إلا بنت روس الطنايا ! 
الشمريّه غير وإيدينها غير ! 
ـــــــــــ في كفها طير ٍ وحيد المزايا

الله يهديك !

كم لي أخونك بين نفسي وبيني ! 
ــــ كنّي أحاول فرض مبدأ تناسيك ! 
ماشفت غيرك لجلك بوسط عيني ! 
ـــــ لاجيت أبغفى صرت طفلٍ يناديك !
أحتاج لك دمعٍ يشاغب يديني 
ـــــ وأحتاج لي صدر ٍ يقول إنت وشفيك ؟ 
ودّي أقول من التعب آه ويني ! 
ـــــ وأغفى وانا متوسدٍ بطن أياديك ! 
من كثر ماتجلد كتوفي سنيني ! 
ـــــ بدعي عليك وقلت لله يهديك

لعلّك تذكر الموعد ؟

مثل هذا النخيل 
... أنطر ! 
مثل هذا الشموخ 
.... أكثر ! 
يمرّ الليل 
... وأتحرّى ! 
لعلك تذكر
.... الموعد ! 
لعلّك ... ياأمل تذكر ! 
وأنا واقف ! 
مثل هذا النخيل 
... أنطر ! 
يمرون البشر 
... ظلّي ! 
يمرونه 
..... وأنا أنطر ! 
لعلّك تذكر الموعد ! 
ومرّ الصبح 
... والآخر ! 
إلين الصبر 
... أثمر بي ! 
وطاحت
دمعة الموعد ! 
وانا للحين 
أترّقب ! 
لعلّه يحملك 
... باكر ! 
وباكر ... يحمله باكر ! 
وانا من حينها 
ناطر !

ثرثرة [ شعبيّه ] !

ثرثار
حوله كثير أشجار ! 
....... والريح مثل الملل
تعوي ! 
ياصاحبي 
والحكي مقدار 
....... هذا القمر ساكت 
ويضوي ! 
الشعر طيرٍ 
وانا صقـّار 
...... هدّ الشِعر
قبل لاتنوي !

فراغ مكتمل !

لازلت أبحث عن وطن 
لكفّي ! 
فــ غني لي ! 
غنّي بي !



خبّي نفسك !


ـــــــــ
هذا الخد النابت 
ورد ! 
هذا الجفن الناعس 
فُل !
هذا الطول 
وهذا القدّ ! 
يشبه غصن بكفّه طير ! 
طيّرٍ فوق ثمار اللوز ! 
أيّة لوز ! ؟
أحلى لوز ! 
هذي العين اللا عاديّه ! 
تنبت ضي 
وتشرق فيّ ! 
هذا الفمّ ... الخاتم 
سحري ! 
جمر 
وثلج
وبرٍ بحري ! 
هذا الوصف 
اللا معقول ! 
أدنى 
من وصف المجهول 
يعني بعده 
لو شافوك ِ ! 
ماني ياغيمه 
مسوؤل ! 
ــــــــــ
خبّي نفسك 
تحت الريشه ! 
فوق اللون !
ــ أو مادون ! 
بين الشِعر ! 
ـــ قبل الشطر ! 
ماني ياحلوه مسؤول !

كلب الباشا

كلب الباشا 
.... هادئ جداً 
كلب الباشا 
.... ماهو عادي ! 
كلب مرتّب ! 
واعي جداً ! 
ياكل أكله
بالسكيّن ! 
طبعاً ماهو كلب
وبس ! 
هذا كلب برتبة 
[ نون ] ! 
يعني سعره 
[ كم مليون ] ! 
يعني يسوى
كل الشعب ! 
كلب الباشا ياأخواني 
كلب إنساني ..
ــــــ جداً جدا ً ! 
من شدة عطفه 
عالناس ! 
ياكل بعض 
عظام الشعب ! 
ماهو جوع 
.. ولاهي سمنه ! 
لكن فعلاً عنده مبدأ ! 
[ يحب يشارك همّ الناس ] 
هذا الكلب الفاضل 
ثروه ! 
لازم نبني له
ثمثال ! 
حبوا كلب الباشا
فضلاً 
كلب إنساني ! 
إبن الكلللللب !

فكره

نبتت مابين يداي قصيده ! 
فقطفها الوطن ... 
وأكلها الطير ! 
وتقيأها ذئب ٌ طيّب ! 
ومازالت القصيدة حرّه !

تصدق ؟



لأول مرّه !
إتصّدق ؟ 
أشوفك !
بسّ 
ماأرجف ! 
لأول مرّه
آحسك ! 
بدون أستمطر
اللهفه ! 
أنا هاليوم 
ماشفتك !
أبد هاليوم
ماشفتك ! 
رجعت الحين 
وش جابك ؟ 
فمان الله .... 
لاترجع !

سُنبله !

كل مالاقيـــل عنها ! 
ــــــــ يتشكّل بـــ الرسم ! 
إمسك الريشه 
ودندن ! 
أبيضٍ وأحمر ! 
و مائي ! 
كل ماترمش ...
تغنّي ! 
ويتغنى ألف نورس ! 
كل ماقلت الحكي ...
فزّ الحكي ! 
سطره الوادي 
وشطره : دندنه ! 
صدره الريحان ! 
عجزه / سنبله ! 
كل مالا قيــــــــــل 
عنها ! 
ــــــ طفلة ٍ
تسبق زمنها !