لو تجرح الناس : لا تجرح

ماخانك الوقت
لو خانك !
ماعابك الرمح
لو ضامك
لو يكسر الشوق
مجدافك !
لو يبتر الوجد
قطراتك !
لو هزّك الصبر
وإقتادك !
تدري وش اللي
قصِم ظهري ؟
لا طاح دمعي
من أسبابك !
وإنت أجمل الناس
في عيني
وإنت أكرم الناس
بيديني
وإنت أطهر الناس
بجبيني
وتمِد لي قسوة الدنيا ؟
ياكبرها منك
تجرحني !
ياثقلها منك
تطعني !
كم قلت لك : إنت
لاتجرح !
لو تجرح الناس
لاتجرح !
كتفي ثقيل ٍ
يشيل جبال !
إلا أنت !
لا تجرحه تكفى !
وش عاد
لو بحكي ؟
ماكنّها تكفي ! ؟
دمعه ملّت كفي
خذ كتفي
وروّح
عسى الله يسامحك