أبيك تكوني الأجمل

أبيك
إن قلت لك لبسك
جميل
وطلتّك أجمل !
تمر يومين وعيونك
تناظر وجه فستانك !
أبيك ان قلت لك : عِقدك
يزين بلبسته جيدك !
تشيلينه من رقبتك
ويسكن راحة إيدينك !
من الفرحه
تشوفينه
يساوي كل هالدنيا !
أبيكِ لو ندهت أسمك
تقولي
ياحلوووو أسمي !
.
.
أبيك
تكوني الأجمل
إلى من قلت لك : أجمل !

أوعديني

أوعديني !
إن حبك ماء في مبسم ضياء !
أوعديني !
إن قلبك مثل غيمه في سماء !
أوعديني :
إنك إنتي !
لو تغيّر كون كامل !
لو تفجّر ألف نهر
لو تهاجر هالنوارس !
إنك إنتي
إنتي إنتي !
وإنك الأحلى
ـ وأجمل !
وإنك الأصدق
ـ وأكْمـَل !
أوعديني : إني أثمل !
من تمرّي حيّ خدّي !
من تمّري فوق جفني !
من تدّقي باب
ثغري !
عانقيني : مثل نسمه !
مثل كذبه
عانقت طفل ٍ فقير !
مثل إثم ِ
يوجع الشيخ الكبير !
.
.
مثل ماكنت ِ
تقولي
إن هذا الكون : أجمل !
وإن هذا البحر
يهطل !
يهطل ويرقص بموجه !
.
.
أوعديني
إنك إنتي !
وإن هذا الشوق إنتي
وإن هذا الغيم إنتي !
وإن هذا الغصن إنتي !
وإن هذا الورد إنتي !
وإن كل الحب
إنتي !
إنتي إنتي !

ماعاد يلزمني

إن كانها بالظن ياحسن ظنّي
ـــ وإن كانها فرقا ..عسى الله يحميه !
ثوبي وهو ثوبي إذا ملّ مني !
ـــ ماعاد يلزمني .. ولاني براعيِه !

تخيل !

تخيّل !
هذي الدنيا
مليئه حب !
تتخيل ؟
تخيّل هالبشر
أنقى !
بلا أحقاد !
تتخيّل ؟
تخيّل إن هالسارق
يصير إنسان ـ إنساني !
ولايسرق
براءتنا !
تخيّل , ياااااه
تتخيّل ؟
تخيّل إننا أنظف ..
وإن قلوبنا ارأف !
ولافينا بشر أفقر !
ولا أغنى !
وهاللقمات نقسمها ...
مابين أفواهنا .... والما
تخيل ... إنت متخيّل ؟
تخيّل !
كل هالدنيا ... تصير إلنا
وطن واحد !
نسافر , وين مارحنا !
وكل الناس ... أهالينا !
نضّم الحب داخلنا !
نصافح كل من يعبر
ونهديه إبتسامتنا !
براءتنا !
وطيبتنا ... وطفل ٍ
غيرررررر داخلنا !
تخيّل بس
تتخيّل ؟
تخيّل إن كل هذا
يصير إن مات !
بسّ واحد !
يموت إبليس
داخلنا !
ونصبح كون إيجابي !
تخيّل !
ياااااااااااه !
تتخيّل ؟