حكايات السكات

لملم بصمتك
حكايات السكات !
وأستثير من الحكي
صوت الشتات !
وجهك اللي
يرسمك
بــ احلى الصفات
صوتك المبحوح ياسرب
الشقى !
صدرك الطيّب
وقصّة آه ..
هات !
هات يــ ثقل العطايا
والهبات !
ودّك إنك تملك الدنيا
... شجر !
ودّك إنك تعطي الطير
الثمر !
ودّك إنك ....
آآآه
ياطيب الصدر !
والله إنك كم
تود لهالبشر !
يشهد الله الكريم !
كم حلمت
أصبح عظيم !
لجل غيري ـ إيه غيري !
كم أقدّم وجه عني !
وآتمنى , وآتخطى !
كل حاجه
ـ أي حاجه ؟
قل رميت ألفين
ـ غصن !
والثمر
في فمّ غيري !
.
.
أي شخص ٍ داخلك ! ؟
واي هـّم ٍ
يوجعك ؟
وألف وجه ٍ يخنقك !
وإنت
ياااااا
طيحة يدك !
لملم بصمتك
حكايات السكات !
هالحكي في داخلك
طفلِ يبات !
.
.
وإن صدفت الناس
إضحك !
وإن وجعك الصوت
إصحك !
لاتبيّن ـ ماانت هيّن !
إنت تسوى
لك بلد
وإن غدر بك هالزمن !
وش عليك ؟
وذي يديك !
إنت أكرم ـ إنت أطهر
والله أكبر !
يازمن !
يعطي كفوفك ـ حزن !
خل هذا الوقت
يفهم
وش كثر كنت الرجل
في زمان
اللا رجوله