السبت، 20 أكتوبر 2012

تهندم



تهندم ...
جزّ من غصنه !
ورشّ الزهر في
كونـه !
تهندم !
وإبتسم ثغره !
دقايق هالوعد ... أبطت !
تهندم ...
راجع أشعاره !
حفظ بيتين
بـ أزراره !
مشى لين
أول الموعد !
مشى والشوق به
يرعد !
يتمتم
...
وبـْ يِده ورده !
عسى تفرح
بهالورده !
أنا أدري وش كثر وديّ
ياليت النجم ذا
عندي
وابلوّر نوره
قلاده !
والبّسها
...
وأعانقها !
ولكن يازمن .. يـ لله
ـــ عسى ترضى بهالورده !
.
.
وقف
في آخر الشارع !
وقلبه
أول الشارع !
يناظر
كل خلق الله !
ــــ يدوّر غيمة ٍ
تمشي !
وقف ...
حتى وقف طوله !
ــ رمى من إيده
الساعه !
ــ وقال الثانيه : تكذب !
أكيد الثانيه : تعذل !
أكيد الثانيه / تسرف !
بعد ماشارف الموعد !
بعد باقي لها ساعه !
لعل إني أسابقها
لعل ....
وتسقط الدمعه !
تواسي خدّه
...
وثغره !
كأن الدمعه : الأصدق !
تقول لحزنه : الساعه !
مضت ساعات
تنطرها !
عسى لك موعدٍ
ثاني !
.
.
عرف إن الوعد
كاذب !
وطاحت من يده
ورده !
ركلها
وإلتقط حزنه !
وهذا آخر
الموعد !

ليست هناك تعليقات:

إرسال تعليق