مرّت !

مرّت
وكنّ البدر يرسم أثرها !
مرّت
وكن النور مخلوق منها !
مرّت
وكنّ الريح
تحمل عطرها !
مرّت وأنا واقف
على قاب قوسين !
بيني وبين الغيم
قصّه طويله !
مرّت وصدري يرتجف
مثل عبره !
يتنهد اللوعه ويزفر
كحلها !
هاروتة النظره
وريميّة القد ّ !
ممشوقة الطلّه
وغيميّة الخد !
جبينها بحري
... به الجزر
والمدّ !
وبعينها طفله
تمايل مع الورد !
مرّت
وأنا في حالة الصمت
مذهول !
أتمتم بصدري
وأبسمل عليها !
في داخلي صوت ٍ
يقول إنت : عاشق !
وأكبر دليل إيديك !
ياسعيد : ترجف !
ماهي بـ أنثى !
قـل إناثٍ كثيرات !
ماهي بوحده !
هذي ألفين وحده !
ماهزنّي فيها سوى شيئ
واحد !
في عينها مهره
أبد ماتروّض !
مرّت ... ومرّ الشعر
من شفّة الديم !
كانت سحابه
والمطر يقتفيها !