محتاج لـ وطن

أحمِل بإيدي علم !
بسّ محتاج لوطن !
*
*
يازمن
وين الزمن ! ؟
ياورق
ليش الغرق ؟
مغترب شطري
وسطري !
مندمي حبري
وعذري !
*
*
أحمل بإيدي علم !
بغرسه
عطني قلم !
*
*
عطني الزيتون والما !
ماأبي هالعمر
يضمى !
*
*
ياوطن ماسك علم !
إنت وينك ؟
ماأشوفك !
ياوطن
والله أحبّك !
أقسم بربي
وربّك !
شوفني أحمل علَم
طاح
من أعلى القمم !
قلت أشيله !
إيه أشيله !
وأحمله لأعلى جبيني !
مادريت إن الوطن !
طفل ٍ
أضناه الصبر !
طفله
تعاشر فقر !
شاب يبحث عن وظيفه !
أو
فتاة ٍ عانسه !
أو
وظيفه يائسه !
أو
عجوز ٍ عالرصيف !
تندب أوراق
الخريف !
.
ياوطن
.. وينك تعال !
قوم إصحى !
حسّ وأغفى !
هالبشر تنطر يدك !
تنطر أحضانك
وضمّك !
وإنت نايم فالعسل !
ياوطن عندي طلب :
ممكن أحضانك : دقيقه ؟
ياني أحتاج لصدر !
ممتلي حب
وطهر !
بعدها بوعد طموحي !
أغرسك
في صدر حبره !

كل ماعندي غمام

كل ماعندي كتبته
مابقى غير
الشِعر !
مـ أسهله
نطق الكلام !
مـ اصعبه
صوت المطر !
أحمل بكفّي
غمام !
يرتعد منه الحمام !
يبرق النور
وظلام !
صعب ترقى أسفله !
حرفي بوجهه
لثـــام !
ينتخي في كلمته !

شفتك بـ عين الشمس

شفتك بعين الشمس
في لحظة إشراق !
متفائلة ويدينك تمد لي
صبح !
ياأجمل كثير من البحر ...
وأجمل من ضنون البشر !
مرّي
على خد السما
قولي متى ؟
متى ؟ متى ؟